वान् डाउनमा क्रिजमा उत्रिएका ज्ञानेन्द्रले ६१ बलमा पाँच चौका तीन छक्कासहित अर्धशतक पूरा गरेका हुन्।
यसअघि नेपालका लागि ओपनर आसिफ शेखले अर्धशतक बनाएका थिए। त्रिवि क्रिकेट मैदानमा नेपालका लागि ओपनिङमा आएका आफिले ७९ बलमा सात चौकासहित अर्धशतक पूरा गरेका हुन्।
पूर्व कप्तान ज्ञानेन्द्र मल्लसँग दोस्रो विकेटका लागि ८८ रनको साझेदारी गर्दै आसिफले इनिङको पहिलो अर्धशतक बनाएका थिए।
नेपालले ३१.२ ओभरको खेल सकिँदा एक विकेट गुमाएर एक सय ३३ रन बनाएको छ। नेपाललाई जितका लागि १८.३ ओभरमा ४४ रन आवश्यक छ।पहिलो खेलमा ८४ रनले पराजित भएको नेपालले दोस्रो खेलमा तीन विकेटको जित निकालेको थियो। आजको खेलमा जित निकाले घरेलु मैदानमा नेपाल विजयी हुनेछ।