काठमाडौंको भृकुटीमण्डप परिसरमा आयोजना हुने शोका लागि आयोजकले बुकिङ समेत खुला गरिसकेको जनाएको छ ।
‘नाडा अटो शो २०२३’ मा विद्युतीय लगायतका चार पाङ्ग्रे, तीन पाङ्ग्रे र दुई पाङ्ग्रे सवारी तथा ढुवानीका साधनहरु, स्पेयर पाटर्स, टायर–ट्यूब, ब्याट्री, एसेसरिज, अटो कम्पोनेन्ट्स एवम् ग्यारेज उपकरणहरु राखिने छन् ।
एसोसिएसनका महासचिव सुरेन्द्रकुमार उप्रेतीकाअनुसार प्रदर्शनीमा बैंक, इन्स्योरेन्स लगायत ट्राफिक, सडक सुरक्षा र वातावरणसँग सम्बन्धित संघसंस्थाहरु समेतको सहभागिता रहने छ ।
झण्डै चार वर्षपछि हुन लागेको यस बृहत प्रदर्शनीमा एक लाख भन्दा बढी दर्शकले अवलोकन गर्ने र करिब २० अर्बभन्दा बढीको कारोबार हुने अपेक्षा समेत राखिएको उनले बताए ।
कोभिड–१९ को दिर्घकालीन असर, सरकारले केही सवारी साधनको आयातमा लगाएको प्रतिबन्ध र प्रतिकूल मौद्रिक नीति जस्ता विभिन्न कारणहरुले विगतमा सुस्ताएको अटोमोबाइल व्यवसामा हाल आएको सुधार तथा सकारात्मकतातर्फ अग्रसर भइरहेको राष्ट्रिय अर्थतन्त्रका कारण यो प्रदर्शनी बृहत हुने आयोजकले अपेक्षा गरेको छ ।
प्रदर्शनीमा नेपालभरका अटोमोबाइल व्यवसायीहरुको अधिकतम सहभागिता रहने अपेक्षा समेत गरिएको छ ।
