काठमाडौ।भोलि सोमबार नेपाल राष्ट्र बैंकले पुन २० अर्ब २५ करोड रुपैयाँको ट्रेजरी बिल जारी गर्ने भएको छ । अपरान्ह दुई बजेसम्म उक्त परिमाणमा ट्रेजरी बिल जारी गर्न लागिएको राष्ट्र बैंकले जनाएको छ ।
पुस १९ गते जारी मिती तोकिएको ट्रेजरी बिल खरिदको लागि वाणिज्य बैंक, विकास बैंक र फाइनान्स कम्पनीहरुले भाग लिन सक्ने छन । जारी गरिने कुुल ट्रेजरी बिल मध्येमा २८ दिने अवधिको पाँच अर्ब, ९१ दिने अवधिको सात अर्ब ७५ करोड र तीन सय ६४ दिने अवधिको सात अर्ब ५० करोड रुपैंयाँको रहेको राष्ट्र बैंकको भनाई छ ।
यि ट्रेजरीहरुको परिपक्व हुने अवधि भने क्रमशः २०७९ माघ १७ गते, २०७९ चैत २१ गते र २०८० पुस १७ गते तोकिएका छन् । यि ट्रेजरी बिलहरु मध्ये १२ अर्ब ७५ करोड रुपैयाँ बराबरको ट्रेजरी बिल पुरानो नविकरण अन्र्तगतको र बाँकी सात अर्ब ५० करोड रुपैंयाँ बराबरको नयाँ रहेको छ । यसअघि पुस ११ गते पनि राष्ट्र बैकले १८ अर्ब ५० करोड २५ लाख रुपैयाँ बराबरको ट्रेजरी बिल बिक्री गरेको राष्ट्र बैंकले जानकारी दिएको छ ।