आर्थिक वर्ष २०७८÷७९ को मौद्रिक नीति सार्वजनिक गर्दै नेपाल राष्ट्र बैंकले यो वर्ष निजी क्षेत्रमा जाने ऋणको विस्तार १२.६ प्रतिशतभित्र हुने लक्ष्य निर्धारण गरेको छ। गत वर्ष यस्तो लक्ष्य १९ प्रतिशत थियो। जेठ मसान्तसम्म निजी क्षेत्रमा जाने कर्जा १६ प्रतिशत वृद्धि भएको थियो।
त्यस्तै चालू आर्थिक वर्षमा विस्तृत मुद्राप्रदाय १२ प्रतिशतमात्र गर्ने लक्ष्य राखिएको गभर्नर महाप्रसाद अधिकारीले जानकारी दिए। गएको वर्ष मुद्राप्रदायको लक्ष्य १८ प्रतिशत थियो।
