काठमाडौं।नेपाल राष्ट्र बैंकले सोमबार २१ अर्ब १० करोड रुपैयाँको ट्रेजरी बिल जारी गर्ने भएको छ । सो दिन अपरान्ह तीन बजेसम्ममा सो परिमाणको ट्रेजरी बिल जारी गर्न लागिएको राष्ट्र बैंकले जनाएको छ ।
माघ २४ गते जारी मिती तोकिएको ट्रेजरी बिल खरिदको लागि वाणिज्य बैंक, विकास बैंक र फाइनान्स कम्पनीहरुले भाग लिन सक्ने छन् । जसमध्ये २८ दिने अवधिको दुई अर्ब, ९१ दिने अवधिको सात अर्ब १० करोड, एक सय ८२ दिने अवधिको सात अर्ब र तीन सय ६४ दिने अवधिको पाँच अर्ब रुपैंयाँको ट्रेजरी बिल रहेको छ । यि ट्रेजरीहरुको परिपक्व हुने अवधि भने क्रमशः २०७९ फागुन २३ गते, २०८० बैशाख २६ गते, २०८० साउन २३ गते र २०८० माघ २३ गते तोकिएको राष्ट्र बैंकको भनाई छ ।
सो दिन बिक्री हुने कुल ट्रेजरी बिल मध्येमा २८, ९१ र ३६४ दिने अवधिको कुल १४ अर्ब १० करोड रुपैयाँ बराबरको ट्रेजरी पुरानो नविकण अन्र्तगत रहेको छ । यसबाहेक बाँकी सात अर्ब रुपैंयाँको ट्रेजरी बिल नयाँ रहेको राष्ट्र बैंकको भनाई छ ।
