अत्याधिक प्रतिश्पर्धासँगै सरकारले निर्माण परियोजनामा पर्याप्त बजेट परिचालन नगर्दा समस्या आएको कम्पनीले जनाएको छ । अघिल्लो वर्ष ७ अर्ब २५ करोड रुपैयाँ आम्दानी गरेको शिवमले यसपाली ५ अर्ब ४५ करोड रुपैयाँको व्यापार मात्रै गर्यो । यस बाहेक होङ्शी शिवमले दिएको लाभांशबाट ३४ करोड रुपैयाँ आम्दनी गरेको छ ।
कम्पनीका अनुसार विद्युत कटौतीले पनि ब्यवसाय खुम्चिएको छ। यसको विकल्पमा इन्धन जेनेरेटर चलाउँदा लागत अत्याधिक बढ्न गएको कम्पनीले उल्लेख गरेको छ ।तर कम्पनीको खर्च अघिल्लो वर्ष भन्दा कम छ । बिक्री लागत साढे १८ प्रतिशतले घटेर ४ अर्ब ३५ करोड रुपैयाँमा सिमित छ । सँगै प्रशासनिक खर्चमा पनि गिरावट देखिन्छ ।
ब्याज भुक्तानी भने ७ करोड २४ लाख रुपैयाँ नाघेको हो। अघिल्लो वर्ष ४ करोड ५४ लाख रुपैयाँ मात्रै थियो। चैतसम्म कम्पनीको प्रतिसेयर आम्दानी ९.६९ रुपैयाँ पुगेको छ।