अफगानिस्तानका सूचना तथा संस्कृति मन्त्रालयका प्रवक्ता अब्दुल वाहिद रायनले भूकम्पमा परी मृत्यु हुनेको संख्या हेरातमा बढी रहेको बताएका छन् । भूकम्पका कारण ६ गाउँ ध्वस्त भएको र सयौँ नागरिक भग्नावशेषमुनि दबिएका बताउँदै उनले सहयोगको माग गरेका छन् ।
हेरात सहरबाट ४० किलोमिटर उत्तर–पश्चिम केन्द्र भएर ६.३, ५.९, ५.५ र अरू साना परकम्प गएको बताइएको छ ।
यसअघि, सन् २०२२ को जुनमा गएको शक्तिशाली भूकम्पमा परी पूर्वी अफगानिस्तानमा कम्तीमा एक हजार मानिसको मृत्यु भएको थियो । करिब १५ सय मानिस घाइते भएका थिए ।
