अमेरिकी राष्ट्रपति जो बाइडेनले यो आक्रमण अभूतपूर्व र डरलाग्दो भएको बताएका छन् । इजरायलमा ज्यान गुमाउनेमा आफ्ना नागरिक भएको पुष्टि गर्नतर्फ समेत अमेरिकाले काम गरिरहेको छ ।
इजरायलले ७०० भन्दा बढी नागरिक मारिएको र १०० भन्दा बढीलाई अपहरण गरिएको बताएको छ । प्यालेस्टाइनतर्फ ४०० भन्दा बढी मानिस मारिएको बताइएको छ ।
अमेरिकी रक्षामन्त्री लोयड अस्टिनले यूएसएस गेराल्ड आर फोर्ड विमानवाहक, मिसाइल क्रुजर र चारवटा मिसाइल विनाशक–डिस्ट्रोयर इजरायलतर्फ गइरहेको र लडाकु विमानसमेत पठाइने बताएका छन्
इजरायली सेनाले गाजाबाहिर सातदेखि आठ ठाउँमा हमास लडाकुविरुद्ध लडिरहेको बताएको छ । इजरायली सेनाका एक अधिकारीले रक्षात्मक स्थिति बनाउन अपेक्षा गरेभन्दा बढी समय लागिरहेको बताएका छन् ।
