काठमाडौं–७ मा शुक्रबार भएको कार्यक्रममा उनले पूर्वप्रधानमन्त्रीहरू लर्को लागेर अब संसद गइरहनुको औचित्य नदेखिएकाले चुनाव नलडेर त्याग गरेको उनले बताएका हुन्।
भट्टराईले त्याग गर्ने नेताका रूपमा गणेशमान सिंहको उदाहरण पेस गर्दै सिंहले प्रधानमन्त्रीको अफर नस्वीकारेको सुनाए।
‘अब हामीले नयाँ पुस्तालाई विस्तारै अगाडि ल्याउनुपर्छ। ५ वर्ष स्थिर सरकार र विकास तथा समृद्धि दिनुपर्छ,’ भने, ‘नयाँ पुस्तालाई हस्तान्तरण गर्न मैले चुनाव नलडेको हुँ। कांग्रेस–माओवादी–एकीकृत समाजवादीका नेताहरूलाई जानकारी गराएरै चुनाव नलडेको हुँ।’
नयाँ पुस्तालाई जिम्मेवारी दिन आफूले चुनाव नलडेको उनको भनाइ छ। तर भट्टराई चुनाव लड्दै आएको क्षेत्र गोरखा–२ मा यसपालि प्रचण्ड चुनाव लड्दैछन्।
भट्टराईले राजनीतिमा युवा पुस्ता आउनुपर्ने बताए। यो क्षेत्रमा भट्टराईपुत्री मानुषी यमी भट्टराई सत्ता गठबन्धनकी साझा उम्मेदवारका रूपमा चुनावी मैदानमा छन्।
भट्टराईले सत्ता गठबन्धनलाई ४ मंसिरको चुनावमा जिताएर फेरि पाँच वर्ष स्थिर सरकार बन्ने अवस्थामा लैजानुपर्नेमा जोड दिए।