सो टिप्पणीको जवाफ दिँदै प्रचण्डले आफूले संसद्लाई जानकारी गराएर मात्र विदेश भ्रमण गरेको बताएका छन् ।
उनले भने,‘सम्मानित सदनलाई जानकारी गराउन चाहन्छु, म जहिलेपनि विदेश भ्रमणमा जाँदा यस सदनलाई जानकारी गराएर र एजेण्डाहरु बारेपनि मुख्य त यी हुनेछन् भनेर नै जाने गरेको छु । भारत भ्रमणमा जाँदापनि सम्मानित सदनलाई जानकारी गराएरै गएको थिए । अहिले संयुक्त राष्ट्रसंघ र चीन भ्रमणमा जानपनि मैले सम्मानित सदनलाई जानकारी गराएको स्मरण गराउन चाहन्छु । केही माननीय सदस्यलाई थाहा रहेनछ कि भन्ने लागेर अलि जोड दिएर भन्नुपर्ने अवस्था आइलाग्यो ।’
प्रधानमन्त्री प्रचण्डले संसदमा आफ्नो विदेश भ्रमणबारेको जानकारी प्रस्तुत गरेका छन् ।
