बिहीबार बसेको राष्ट्रियसभाको बैठकमा बोल्दै नेकपा एमाले राष्ट्रियसभाका दलका नेता देवेन्द्र दाहालले गृहमन्त्रीले नैतिकताका आधारमा राजीनामा दिनेकुरा नभएको भन्दै अब गृहमन्त्री पनि अनुसन्धानको घेरामा आउनुपर्ने बताए।
उनले गृहमन्त्री, अर्थमन्त्रीलाई जानकारी नभई यति ठूलो परिणामा सुन तस्करी हुनै नसक्ने बताए। उनले सिंगो विमानस्थलको सुरक्षा व्यवस्था कस्तो छ? त्यसको जवाफ कसले दिने? भन्दै प्रश्न गरे। उनले सुरक्षा व्यवस्थामा खटिएका कर्मचारी, भन्सार कर्मचारी र गृहमन्त्री एवं अर्थमन्त्री अनुसन्धानको दायरामा आउनुपर्ने बताए।
उनले सुन तस्करी काण्डको जरैदेखि छानबिन गर्न उच्चस्तरीय संसदीय छानबिन समिति बनाउनुपर्ने र समितिमा राष्ट्रिय सभा सदस्यहरु पनि रहनुपर्ने माग गरे।
