छठ पर्व अन्तर्गत शनिबार खरना मनाइन्छ । यस दिनको साँझमा घरमा प्रसादको रुपमा तयार पारिएको चामल, सक्खर र दूध मिलाएर बनाएको खिर छठी मातालाई चढाएर प्रसाद स्वरुप घरपरिवारले ग्रहण ग्रहण गरिन्छ ।
यस वर्षको छठ पर्वको मुख्यपूजा आइतबारका दिन परेको छ । यसदिन साँझ व्रतालुले नजिकको जलाशयमा पुगी बेलुकीपख अस्ताउँदो सूर्यलाई अर्घ दिन्छन्। ठेकुवा, भुसुवा, टिकुवा, केरा, नरियल, अदुवा, उखु लगायतका पूजा सामग्री लिइ अस्ताउँदो सूर्यलाई अर्घ दिने गरिन्छ । पर्वको अन्तिम अर्थात पाँचौ दिन सोमबार बिहान उँदाउँदो सूर्यलाई अघ्र्य दिई छठपर्वको विधिवत रुपमा समापन गरिन्छ ।
पूजा गर्नका लागि घाट सजाउने काम भइरहेको छ । पायक पर्ने पोखरीका डिल, नदीका तट, तालतलैया लगायतका घाट सरसफाई गरी सामुहिक रुपमा घाट बनाउन लागिपर्छन् । घाट सरसफाइ, सजावट र व्यवस्थापनका लागि धमाधम काम भइरहेको छ ।