झापा, झापा गाउँपालिका वडा नम्बर ४ र ५ को सीमानाबाट अवैध लागूऔषध ब्राउनसुगर जस्तो देखिने पदार्थ ३ ग्राम ५ सय मिलिग्राम सहित अर्जुनधारा नगरपालिका–७ बस्ने २३ वर्षीय बामदेव मिश्रलाई मंगलबार दिउँसो प्रहरीले पक्राउ गरेको छ । प्रहरी चौकी शरणामतीबाट खटिएको प्रहरीले भारतबाट नेपालतर्फ आउँदै गरेका मिश्रलाई उक्त पदार्थ सहित फेला पारी पक्राउ गरेको हो ।
सर्लाही, हरिपुर नगरपालिका–८ हात्तिसारस्थित सडकबाट नियन्त्रित लागूऔषध नाईट्राभेट ७ सय ८० ट्याब्लेट सहित सोही नगरपालिका–९ डेरा गरी बस्ने गोडैता नगरपालिका–७ घर भएका २० वर्षीय दिपक बैठालाई मंगलबार राति प्रहरीले पक्राउ गरेको छ । उक्त स्थानमा ना.१ ज २३८२ नम्बरको म्याजीक चालकसँग भाडाको विषयलाई लिएर बादविवाद भई कुटपिट गरी भाग्दै गरेको अवस्थामा ईलाका प्रहरी कार्यालय हरिपुरबाट खटिएको प्रहरीले बैठालाई नियन्त्रणमा लिई शरीर जाँच गर्दा उक्त परिमाणको लागूऔषध फेला पारी पक्राउ गरेको हो ।
यस सम्बन्धमा प्रहरीले थप अनुसन्धान गरिरहेको छ ।