पाटन उच्च अदालतमा दर्ता रहेको पुनरावेदनको सुनुवाइका पेशी आजका लागि तोकिएको हो ।पुर्पक्षका लागि थुनामा राख्ने जिल्ला अदालत काठमाडौंको निर्णय विरूद्धको निवेदनमा उच्च अदालत पाटनका न्यायाधीशद्वय राज्यलक्ष्मी बज्राचार्य र नरिश्वर भण्डारीको इजलासमा हुँदैछ ।
यसअघि दुईपटक पेशी तोकिए पनि पहिलोमा सन्दीपका कानुन व्यवसायीले स्थगित गरेका थिए । दोस्रोमा उनको पेशी हेर्न नभ्याइनेमा परेको थियो ।
२० असोजमा पक्राउ परेका सन्दीपलाई काठमाडौं जिल्ला अदालतले फैसला नहुँदासम्मका लागि थुनामा पठाउने आदेश गरेको थियो । उनले थुना बाहिर रहेर मुद्दा लड्न पाउनुपर्ने माग गरेका छन् ।