२०४८ सालदेखि ५८ सालसम्म लगातार शक्तिशाली मन्त्री पद हत्याएका जोशीमाथि सार्वजनिक पदमा रहँदा अकुत सम्पति कमाएको मुद्दा परेपछि राजनीतिक जीवन कालो धब्बा लाग्यो ।
तर २०६३ सालमा विशेष अदालतबाट सफाइ पाएका जोशीले टिकट नपाएकै कारण रामचन्द्रविरुद्ध बागी उम्मेदवारी दिएपछि कांग्रेस राजनीतिबाटै बाहिरिनु पर्यो ।
एमालेले सघायो, कांग्रेसले हरायो
गृहमन्त्रीसमेत भइसकेका बुवा गोबिन्दराजबाट कुनै लाभ नलिएर बरु विदेश भासिएका दीपकले अमेरिकामा अध्ययन मात्र नभै आर्थिक रुपमा पनि राम्रै प्रगति गरेका थिए । अमेरिकाको ग्रीन कार्डसमेत पाइसकेका उनलाई ग्रीनकार्ड त्यागेर स्वदेश फर्किएर गाउँको विकास गर्ने हुटहुटी जाग्यो ।
कुनैबेला कांग्रेसको राष्ट्रिय राजनीतिमा राज गरेका बुवा गोबिन्दराजबाट कुनै लाभ नलिएका दीपकराजले यो पटक आफ्नो जन्मभूमि तनहुँको ब्यासबाट मेयर पदको उम्मेदवार बने ।
कांग्रेसको विद्यार्थी राजनीतिबाट जोडिएका दीपकले पार्टीबाट टिकट लिन निकै प्रयत्न गरे । तर बाबुसँग पौडेलको राजनीति इगोकै कारण दीपकराजले कांग्रेसबाट टिकट पाएनन् ।
कांग्रेसबाट टिकट नपाएपनि स्वतन्त्र रुपमा ब्यासनगरबासीसँग सामिप्यता गासेका दीपकलाई हराउन कांग्रेस नेता रामचन्द्र पौडेलसमूह कस्सिएर लाग्यो । कांग्रेसकै नेता कार्यकर्ता दीपकलाई हराउन कस्सिरहेकैबेला एमालेले उनको काँध थापिदियो ।
दीपकलाई हराउन कस्सिएको कांग्रेस समूहबाट असहयोग मात्र होइन, पिटाईसमेत खानु पर्यो । कडा प्रतिष्पर्धी बनेका दीपक कांग्रेसका मेयर बैकुण्ठनाथ न्यौपानेसँग मात्र २ सय ५२ मतको झिनो अन्तरले पराजित हुन पुगे ।
पराजयमा दीपकराजको समिक्षा
झिनो मतले ब्यास नगरपालिकाको मेयर हारेका दीपकराजले आफ्नो पराजय स्वीकार गर्दै आफ्नो जित भएको ठानेका छन् । चुनाव जित्नकै लागि गरिने अनेक हत्कण्डा नअपनाएकै कारण आफूले पराजय ब्यहोरेको उनको ठहर छ । आफूले निर्वाचन हार्नुका थुप्रै कारणहरु रहेको भए पनि बुँदागत रुपमा मुख्य ८ कारण रहेको निश्कर्ष उनले निकालेका छन् ।
१. निर्दोष जनताको भोट पैसाले किन्न नखोज्नु र पैसा बाँड्ने नसक्नु,
२. गरिब जनताको भोकको मजाक बनाएर कुनै एक दिनको लागि मासु भातको लोभ बाड्न नसक्नु,
३. मदिराजन्य पदार्थको निम्ती खर्च गर्न नसक्नु,
४. गलत प्रचारप्रचारर र भ्रम फैलाउन नसक्नु,
५. सरकारी सम्पती दुरुपयोग गर्न नसक्नु,
६. धम्काउन र मारपीट गर्न नसक्नु,
७. पेट्रोल बाँड्न नसक्नु,
८. सुरा, सुन्दरी र सम्पतिप्रति आशक्ति नहुनु ।
यो पनि पढ्नुस्ः
अमेरिकाको ग्रीनकार्ड त्यागेर गाउँको विकास गर्ने हुटहुटी