जिल्ला प्रहरी कार्यालयका प्रमुख प्रहरी उपरीक्षक प्रज्वल महर्जनका अनुसार आज बिहान ५ बजेदेखि सडक पूर्णरुपमा सञ्चालनमा आएको छ । रातभरि डाइभर्सन निर्माणको काम गरी विहान बिहान ३ बजेदेखि एकतर्फी रुपमा यातायात सञ्चालन गरिएकोमा विहान ६ बजेपछि दुईतर्फी नै सञ्चालन गरिएको इलाका प्रहरी कार्यालय दुम्किबासले जनाएको छ ।
मङ्गलबार दिउँसोदेखि परेको अविरल वर्षाका कारण नवलपुर खण्डको विनयी त्रिवेणी गाउँपालिका र मध्यबिन्दु नगरपालिकाको विभिन्न स्थानमा निर्माण गरिएको डाइभर्सन बाढीले बगाएको थियो । डाइभर्सन निर्माण भएपछि सडकमा रोकिएका सवारी साधन गन्तव्यतर्फ जान सुरु गरेका छन् ।