बुढीगंगा नगरपालिका– ९ बाहेक अन्य सम्पूर्ण ठाउँमा शान्तिपूर्ण भएको उनले बताए । बुढीगंगा नगरपालिका–९ को त्रिशक्ति माध्यमिक विद्यालय मतदान केन्द्रमा नेकपा एमाले र सत्ता गठबन्धनका कार्यकर्ताबीच झडप हुँदा केही समय मतदान रोकिएको थियो । झडपपछि प्रहरीले हवाई फायर गरेको थियो ।
गत वैशाख ३० गते भएको निर्वाचनमा नेपाली कांग्रेस र नेकपा एमालेबीच मतदानमा धाँधली भएको भन्दै विवाद भएपछि मतदान नै स्थगित गरिएको थियो ।
विवादपछि निर्वाचन आयोगले पुनः मतदान गर्ने निर्णय गरेको थियो । स्थानीय तह निर्वाचन सकिएको दुई महिनापछि नयाँ नेतृत्व चयनका लागि बुढीगंगामा पुनः मतदान भएको हो ।
बुढीगंगा नगरपालिकाका मेयरमा एमालेबाट रामबहादुर बानियाँ, उपमेयरमा माया कुँवर र नेपाली कांग्रेसबाट मेयरमा रंग खाती र उपमेयरमा रीता शाही उम्मेदवार छन् । नगरपालिकामा १२ हजार ६५९ मतदाता रहेका छन् ।
