डोल्पाको काइके गाउँपालिका र छार्काताङ्सोङ गाउँपालिकाको अध्यक्षमा एक एक जनाको उम्मेदवारी परेको छ । सोमवार दुवै पालिकामा २०७४ सालको स्थानीय निर्वाचनमा नेकपा एमालेबाट निर्वाचित अध्यक्षहरुको मात्रै उम्मेदवारी परेको छ । अहिले उनीहरु दुवै एकीकृत समाजवादीबाट उम्मेदवारी दर्ता गराएका छन् ।
काइके गाउँपालिकाको अध्यक्षका लागि अंगदकुमार राना, छार्काताङ्सोङ गाउँपालिकाको अध्यक्षका लागि सेनाङ गुरुङले उम्मेदवार मनोनयन दर्ता गराएका हुन् ।
यस्तै, डोल्पाको डोल्पोबुद्ध गाउँपालिकाको उपाध्यक्ष पनि निर्विरोध भएको छ । उपाध्यक्षमा पेमा वाङ्जु गुरूङको मात्रै उम्मेदवारी परेको छ । मुख्य निर्वाचन अधिकृतको कार्यालयले भने निर्विरोध घोषणा गर्न बाँकी नै छ । कार्यालयले अन्तिम नामावली प्रकाशित भएपछि मात्रै निर्विरोध घोषणा गर्नेछ ।