निर्वाचनका बेला आफ्नै उम्मेदवारलाई हराउन लागेको, जिल्ला अध्यक्षमा जितिसकेपछि दैनिकरुपमा पार्टी कार्यालय सञ्चालन नगरेको, पार्टी कार्यालयलाई विरोधीको अखडा बनाएको लगायतका आरोप लगाउँदै प्रदेश कमिटीले थापासँग २३ बुँदे स्पष्टीकरण सोधेको थियो ।
प्रदेशसभा सदस्यसमेत रहेका थापालाई पार्टी जिम्मेवारीबाट हटाइए पनि प्रदेशसभा सदस्यबाट भने हटाइएको छैन ।
पार्टीका प्रदेश अध्यक्ष दामोदर भण्डारीले असार १३ गते विज्ञप्ति जारी गरी थापाले गम्भीर प्रकृतिको अनुशासन उलंघन गरेको भन्दै पार्टी कारबाही गरिएको जानकारी दिएका थिए । थापालाई अध्यक्षबाट हटाएर प्रदेश कमिटीले उपाध्यक्ष दुर्गाप्रसाद जोशीलाई कार्यबाहक जिल्ला अध्यक्ष तोकेको छ ।
साथै प्रदेश कमिटीले साउनको १५ गतेभित्र जिल्ला प्रतिनिधि परिषद्को बैठक बोलाएर नयाँ अध्यक्ष निर्वाचन गराउन पनि जिल्ला कमिटीलाई निर्देशन दिएको छ ।