उसले अमेरिकाको नीतिअनुसार कुनै पनि देशलाई स्टेट पार्टनरशिप प्रोग्राममा सामेल हुन नभन्ने तर कुनै देशबाट त्यसका लागि माग आएको खण्डमा भने त्यस्को सम्बोधन गर्ने जनाएको छ ।
सोमबार केही संचारमाध्यमहरुले एसपीपीका लागि नेपाल र अमेरिकाबीच हुने लागेको सम्झौताको दस्तावेज सहितका समाचार सम्प्रेषण गरेपछि दूतावासले मंगलबार प्रतिक्रिया जनाएको हो ।
’स्टेट पार्टनरशिप प्रोग्राम (एसपीपी) अमेरिकी राज्यको नेशनल गार्ड तथा साझेदार विदेशी मुलुकबिचको एक आदानप्रदान कार्यक्रम हो। अमेरिकी नेशनल गार्डले स्वदेशमा भूकम्प, बाढी र वन डढेलो जस्ता प्राकृतिक विपद्विरुद्ध जुध्नका लागि अमेरिकाका प्रथम उद्धारकर्ताहरूलाई सहयोग गर्दछ,’ दूतावासले भनेको छ ।
उसले २५ वर्षभन्दा लामो समयदेखि कायम रहँदै आएको एसपीपीमा ९० भन्दा बढी देशसँग ८० भन्दा बढी साझेदारीहरू समावेश रहेको जनाएको छ । तीमध्ये अधिकांश देशहरू यस क्षेत्रमा छैनन्।
