तर शनिवार भक्तपुरको चाँगुनारायण्मा गरिएको एउटा अन्नप्राशन भने निकै भावनात्मक र नौलो प्रकारको थियो ।
चाँगुनारायण ४ मा अवस्थित तुलसालय आश्रममा छ महिनाकी स्तुतीको पास्नीमा उपस्थित सबै आतिथिहरुले उनको अवस्थाकाबारेमा बताइरहँदा निकै भावुक भएका थिए ।
स्तुती उनकी आमाकी सातौं छोरी हुन्, तर गत पुसमा उनलाई जन्म दिएको पाँच मिनेटमा नै आमा गौरा छन्त्यालको निधन भएको थियो ।
बुवा अशक्त, आमाको निधन । स्तुतिका दिदीहरु सबै १३ वर्ष मुनिका । यसरी असहाय बनेकी २० दिनकी स्तुतीलाई तुलसालय हरिहर फाउण्डेशनले उद्धार गरी लालनपालन गरी आएको छ । शनिवार तिनै स्तुतिको शुभ अन्नप्राशन नेपालको पहिलो महिला न्यायाधीस सुशीला कार्कीको हातबाट भयो । स्तुतिलाई सगुन खुवाएपछि पूर्वप्रधानन्याधीस कार्की निकै भावुक भइन् । (रासस)
