मंगलबार साँझ ५ बजेतिर जंगलमा दाउरा काट्न गएका सिरानचोक–६ गौरी गाँउका ८० वर्षीय सुकबहादुर गुरुङको माथीबाट खसेको सुख्खा पहिरोमा पुरिएर ज्यान गएको प्रहरीले जानकारी दिएको छ । घटनाको सुचना पाए लगत्तै इलाका प्रहरी कार्यालय जौबारी र प्रहरी चौकी नयाँसाँगु बाट खटिएका प्रहरीले उद्धार गर्दा गुरुङ मृत अवस्थामा भेटिएको डिएसपी लीलाराज लामिछानेले जनाएका छन् ।
गुरुङको शव पोष्टमार्टमको लागी मंगलबार साझ गोरखा अस्पतालमा ल्याइएको प्रहरीले जानकारी दिएको छ ।
