विराटनगर। नेपाली कांग्रेसका वरिष्ठ नेता तथा पूर्व मन्त्री आमोदप्रसाद उपाध्यायको निधन भएको छ ।
विराटनगर महानगरपालिका ७ घर भएका उपाध्याय लामो समयदेखि मुखको क्यान्सर रोगबाट पीडित थिए ।
विगत केही समयदेखि उपचार गराउँदै आएका उपाध्यायको सोही क्रममा शनिवार राति ९२ वर्षको उमेरमा निधन भएको हो ।
पटकपटक कांग्रेसको केन्द्रीय सदस्य भएका उपाध्यायले मोरङबाट प्रतिनिधि सभा र राष्ट्रिय सभामा प्रतिनिधित्व गर्दै सांसदको रूपमा सेवा गरेका थिए ।
उनी २०५६ सालमा शिक्षामन्त्रीसमेत बनेका थिए ।
