लगातारको वर्षातका कारण सप्तकोसीमा पानीको बहाव उच्च भएपछि रातो बत्ती बालिएको हो । सप्तकोशीमा बुधबार विहान १० बजे पानीको बहाव एक लाख ५८ हजार १२५ क्युसेक पुगेको सुनसरीका प्रमुख जिल्ला अधिकारी इन्द्रदेव यादवले बताए ।
पानीको बहाव उच्च भई खतराको संकेत देखिएपछि सप्तकोशीका ५६ ढोकामध्ये २१ वटा ढोका खोलिएको छ । अन्य ढोका भने अझै खोलिएको छैन । ब्यारेजका सबै ढोका नखोलिदा कोशी गाउँपालिका र बराहक्षेत्र नगरपालिकाको खेतीयोग्य जमिन र मानव बस्ती डुबानमा परेको छ ।
