काठमाडौँ। नेपालीको महान् चाड बडादसैँ नजिकिएसँगै उपत्यका छाड्ने यात्रुको सङ्ख्या बढ्दै गएको छ ।
घटस्थापनाको अघिल्लो दिनदेखि दशैँं मनाउन घर जाने क्रम चलिरहेको छ । गत २४ घण्टामा मात्रै ८२ हजार बढीले काठमाडौँ उपत्यका छाडेका छन् ।
महानगरीय ट्राफिक प्रहरी महाशाखाका अनुसार गत २४ घण्टामा ८ हजार ५ सय ८४ गाडीमा ८२ हजार ६ सय ३८ जनाले काठमाडौं छाडेका छन् । घर फर्कनेको सङ्ख्या बढेसँगै गाउँ भरिन थालेको छ भने काठमाडौँ उपत्यका रित्तिन थालेको छ ।
