पर्वतको कुश्मा नगरपालिका–१ स्थित मालढुङ्गा नजिकै ठूलो पहिरो खस्दा यातायात सेवा अवरुद्ध भएकोे हो । रातीदेखिको वर्षा विहानसम्म पनि नरोकिएकाले पहिरो हटाउन समस्या भइरहेको जिल्ला ट्राफिक प्रहरी कार्यालयले जनाएको छ ।
सडक अवरुद्ध हुँदा म्याग्दी र मुस्ताङबाट छुटेका सवारी साधन खनियाघाटमा अलपत्र परेका छन् भने अन्यत्रबाट ती जिल्लाका लागि आएका सवारी साधन मालढुङ्गामा रोकिएका छन् । निर्माणाधीन उक्त सडक वर्षाका कारण पछिल्लो दुई सातादेखि निरन्तर अवरुद्ध हुँदै आएको छ ।
