राडिबाट रिम्नातर्फ जाँदै गरेको ग १ ज १८९७ नम्बरको जिप शनिबार साँझ दुर्घटनामा परेको हो । दुर्घटनामा जिप चालक र सहचालक दुवै जनाको मृत्यु भएको इलाका प्रहरी कार्यालय आठविसकोटले जनाएको छ ।
मृत्यु हुनेमा चालक बाफिकोट गाउँपालिका–८ दुलिका कविराम बिक र सहचालक मुसिकोट नगरपालिका–११ का कमल खड्का रहेका छन् ।
यता, सल्यानमा जन्ती बोकेको जिप दुर्घटना हुँदा ६ जना घाइते भएका छन् ।
बनगाड कुपिण्डे नगरपालिका ४ देउलीमा भे १ ज १०२१ नम्बरको जिप शनिबार राति दुर्घटनामा परेको हो ।
दुर्घटनामा बनगाड कुपिण्डे नगरपालिका ४ देउलीका मोतिलाल बुढा, मन बुढा, सहदेव बुढा, चित्रबहादुर बुढा, हरिमाया बुढाथोकी र गोपाल बुढा घाइते भएका छन् ।
जिल्ला प्रहरी कार्यालय सल्यानका प्रहरी प्रमुख सुमित खड्काका अनुसार घाइते सबैको सल्लीबजारमा उपचार भइरहेको छ ।
