वर्षासँगै झरेको पहिरोमा पुरिएर बिष्णुकाे आमा तुलसा अधिकारी र श्रीमति यशोदा अधिकारीको मृत्यु भएको जिल्ला प्रहरी कार्यालय ताप्लेजुङका प्रहरी प्रमुख प्रहरी नायव उपरीक्षक कैलाश राईले बताए ।
मृतक तुलसाका श्रीमान् बिष्णु घाइते भएका छन् । उनलाई उपचारका लागि जिल्ला अस्पताल ताप्लेजुङ लगिएको छ ।
पहिरोमा पशुचौपायसमेत पुरिएको र विहानदेखि उद्धार कार्य जारी रहेको सिरीजङ्घा गाउँपालिकाका उपाध्यक्ष डा.चित्रकुमार लिम्बुले खबरस्टाेरीलाई जानकारी दिए । उद्धारमा खटिएका गाउँपालिका उपाध्यक्ष लिम्बुका अनुसार विस्थापितहरूकाे उद्धारका लागि हेलिकाेप्टर बाेलाइँदैछ । खेवाङ ठूलाे बस्ती भएकाले ठूलाे संख्यामा विस्थापित भएकाे डा.लिम्बुले बताए ।
खेवाङसहित ताप्लेजुङका विभिन्न ठाउँमा विहीबार राति भीषण पहिरो गएको प्रहरीले जनाएको छ ।