तत्काल उक्त भाडादर कार्यान्वयन नभए जेठ २० गतेदेखि सबै ट्रकहरु ठप्प पारी ढुवानी रोक्ने उनीहरुले चेतावनी दिएका छन् । पटक पटक तेलको मूल्य बढ्दा पनि ढुवानी ब्यवसायप्रति बेवास्ता गरिँदा ब्यवसाय नै धरापमा परेको लुम्बिनी ट्रक व्यवसायी संघका अध्यक्ष विष्णु खरेलले बताए ।
आफूहरुले न्यून पैसामा सेवा दिए पनि विचौलियका कारण उपभोक्ताले महंगी खेप्नु परेको उनीहरुको भनाइ छ ।
सरकारले नै तोकेको भाडादर पाउनुपर्ने मागसहित २० जेठबाट ट्रक घरमै थन्क्याएर ढुवानी रोक्ने निर्णय गरेको पश्चिमाञ्चल यातायात व्यवसायी समितिका अध्यक्ष यमप्रसाद पाण्डेले बताए ।
साथै उनीहरुले लोडिङ कार्डलाई व्यवस्थित र पारदर्शी बनाउने, विभिन्न ट्रक समितिहरुको प्रतिनिधित्वमा अनुगमन गर्ने र सरकारले तोकेको भाडा प्राप्तिका लागि ट्रान्सपोर्ट व्यवसायीहरुसँग पनि सहकार्य गर्ने निर्णय गरेका छन् ।