मध्यबिन्दु नगरपालिका ७ चोरमारास्थित गिरुवारी पुल मर्मत गर्नुपर्ने भएको भन्दै जिल्ला प्रशासनले सूचना जारी गरी राजमार्ग ६ घण्टा अवरोध गर्न लागेको हो ।
गिरुबारी खोलाको पुल मर्मतका लागि सडक अवरुद्ध हुने प्रमुख जिल्ला अधिकारी सुमन घिमिरेले जानकारी दिए । राजमार्गको पुल मर्मतका लागि आइतबार बिहान ८ बजदेखि दिउँसो २ बजेसम्म सवारी सञ्चालनमा पूर्ण रुपमा रोक लगाउन लागिएको हो ।
पुलको बीच भाडमा भ्वाङ परेका कारण यातायात आवागमन बन्द गरेर नियमित मर्मतसम्भारको काम गर्न लागिएको प्रजिअ घिमिरेले बताए ।
उक्त खण्डको वैकल्पिक सडक प्रयोग गर्न समेत प्रशासनले अनुरोध गरेको छ।