शिक्षा तथा मानव स्रोत विकास केन्द्रले ७७ वटै शिक्षा विकास तथा समन्वय एकाईलाई मतदान केन्द्र कायम भएका विद्यालयमा २८ गतेदेखि ३० गतेसम्म तीन दिन बिदा दिन निर्देशन दिए पनि शनिबार, १ गते आइतबार तथा २ गते बुद्धजयन्तीको सार्वजनिक बिदा परेकाले ६ दिन विद्यालय तथा कार्यालय बन्द हुने भएको छ ।
त्यस्तै, अब जेठ १ गतेबाट आइतबार पनि सार्वजनिक बिदा हुने भएकाले विद्यालयहरूमा शुक्रबार पूरा समय पठनपाठन हुने भएको छ।शुक्रबार ४ बजेसम्म नै पठनपाठन सञ्चालन गर्ने र बर्खे तथा हिउँदे बिदा घटाएर हप्तामा दुई दिन बिदा दिने निर्णय भएको छ।
शिक्षा मन्त्रालयले यो निर्णय कार्यान्वयन गराउन शिक्षा विकास तथा समन्वय एकाई सानोठिमीलाई परिपत्र समेत गरेको छ।
