सिजनको १८ औं म्याचमा बैंगलोरले मुम्बई इन्डियन्सलाई हराउँदै सिजनको लगातार तेस्रो जित निकालेको हो । बैंगलोरले मुम्बई इन्डियन्सलाई हराउँदै सिजनको लगातार तेस्रो जित निकालेको छ ।
पहिले ब्याटिङ गरेको मुम्बई इन्डियन्स ६ विकेट गुमाउँदै १ सय ५१ रनको लक्ष्य पेश गरेको थियो । बैंग्लोरले मात्र ३ विकेटको क्षतिमा ९ बल बाँकी छँदै लक्ष्य पार गर्यो ।
बैंग्लोरका अनुज रावतले अर्धशतक पार गर्दै ६६ रन जोडेका थिए । उनलाई रमनदीप सिंहले रन आउट गराएका थिए । अनुजले ४७ बलमा ६ छक्का र २ चौकाको मद्दतमा ६६ रन जोड्दा कोहलीले ३६ बलमा ५ चौकाको मद्दतमा ४८ रन जोडेका थिए ।
शनिवार भएको अर्को खेलमा सनराइजर्स हैदरावाद ८ विकेटले विजयी भएको थियो ।
लिग अन्तर्गत आइतबार पनि दुई खेल हुँदैछन् । आइतबार कोलकाता नाइट राइडर्स र दिल्ली क्यापिटल्स तथा राजस्थान रोयल्स र लखनउ सुपर जायन्ट्सबीच खेल हुनेछ ।
