बिहीबारको खेलमा पहिला ब्याटिङ गरेको दिल्लीले निर्धारित २० ओभरमा ३ विकेटको क्षतिमा २०७ रन बनाएको थियो। दिल्लीका लागि डेभिड वार्नरले अविजित ९२ रन तथा रोभमन पावेलले अविजित ६७ रनको पाली खेलेका थिए। जवाफी ब्याटिङमा उत्रिएको हैदराबादले निर्धारित ओभरमा ८ विकेटको क्षतिमा १८६ रन मात्र बनाउन सक्यो। हैदराबादका लागि निकोलस पूरनले ६२ रन बनाए भने ऐडेन मार्करमले ४२ रनको पाली खेलेका थिए।
दिल्लीका लागि खालील अहमदले ३ विकेट लिएका थिए। यससँगै दिल्लीले १० खेलबाट १० अंक हात पारेको छ भने हैदराबादले पनि समान खेलबाट समान अंक जोडेको छ।
