एन्फा पदाधिकारी र एनएसएललाई लिएर असन्तुष्ट चार ए डिभिजन क्लबबीच शुक्रबार भएको छलफलपछि एनएसएल आयोजना गर्न गरिएको सम्झौता प्रक्रिया विपरीत रहेकाले रद्द गर्न सिफारिस गर्ने निर्णय भएको हो ।
छलफलमा एन्फाकोतर्फबाट वरिष्ठ उपाध्यक्ष वीरबहादुर खड्का, अन्य दुई उपाध्यक्ष, महासचिव र महिला सदस्य तथा चारवटा क्लबका प्रतिनिधि सहभागी थिए ।
कोभिड–१९ महामारीका बेला फुटबल गतिविधि नहुँदा एन्फाले निजी क्षेत्रसँग मिलेर २०७८ सालको सुरुमा पहिलो संस्करणको एनएसएल सफलतापूर्वक आयोजना गरेको थियो ।
तर, खेलाडी अक्सन गरेको विषयमा ए डिभिजन क्लब र एनएसएल आयोजकबीच विवाद हुँदा २०७८ चैतदेखि हुने भनिएको दोस्रो संस्करण तोकिएको समयमा हुन सकेको छैन ।
ए डिभिजन क्लबहरुले आफ्नो क्लबमा करारमा रहेकै बेला खेलाडीको अक्सन गरेको भन्दै विरोध गरेपछि एनएसएल र क्लबबीचको विवाद सुरु भएको हो ।
