इन्डोनेसियाविरुद्ध खेल्दै गर्दा नेपाल समूह ‘ए’ मा पहिलो जितको खोजीमा रहेको छ । नेपाल र इन्डोनेसियाबीच पहिलो पटक प्रतिस्पर्धा गर्न लागेको हो ।
एएफसी एसिया कप २०२३ छनोट अन्तर्गत सुरुआती दुबै खेलमा नेपाल पराजित भएको थियो । नेपाल पहिलो खेलमा जोर्डनसँग २–० अन्तर र कुवेतसँग ४–१ अन्तरले पराजित भएको थियो ।
बलियो स्थितिमा रहेको इन्डोनेसियाले पहिलो खेलमा घरेलु टोली कुवेतलाई २–१ अन्तरले पराजित गरेको थियो भने दोस्रो खेलमा जोर्डनसँग १–० अन्तरले पराजित भएको थियो ।
जारी प्रतियोगितामा जोर्डन ६ अंक सहित शीर्ष स्थानमा छ । कुवेत २ अंकसहित दोस्रो र इन्डोनेसिया समान ३ अंकसहित तेस्रो स्थानमा रहँदा नेपाल पुछारमा छ ।