कोलकत्तामा भएको कन्सर्टमा लगातार २ घण्टा प्रस्तुति दिएका केकेको केही समयपछि नै अकस्मात मृत्युको खबर आयो । उनको अकस्मात मृत्युले सबैलाई चकित र भाबुक बनाएको थियो ।
केकेको टाउको र अनुहारमा चोट पनि देखिएको भन्दै कतै मारपिट वा हत्याको आशंकामा उनको पोस्टमार्टम पनि गरियो ।
बिहीबार उनको पोस्टमार्टमा रिपोर्ट आइसकेको छ । नवभारत टाइम्सका अनुसार केके को पोस्टमार्टम रिपोर्टमा उनको निधन हृदयाघातबाट भएको पुष्टि गरेको छ । रिपोर्टका अनुसार गायक केकेको फोक्सो र कलेजोको अवस्था पनि एकदमै बिग्रिसकेको थियो ।
पोस्टमार्टमको रिपोर्ट आएसँगै उनको आजै (बिहीबार) नै दिउँसोको १ बजेदेखि अन्तिम संस्कारको तयारी सुरु भएको छ ।