काठमाडौँ। गायिका प्रविशा अधिकारीले आइतबार प्रेमी निर्माण सिटौलासँग इन्गेजमेन्ट गरेकी छन्। झापास्थित घरमा उनीहरूले इन्गेजमेन्ट गरेका हुन्। उनीहरूले आगामी आइतबार बिहे गर्ने बताइएको छ।
प्रविशा युवा पुस्तामा रुचाइएकी गायिका हुन्। द भ्वाइस किड्स कोच बनेपछि उनी चर्चामा छिन्। निर्माण झापा चारपानेका बासिन्दा हुन्। लामो समयदेखि अमेरिकामा बसोबासरत उनी बिहे गर्न दसैंअघि अमेरिकाबाट नेपाल आएका हुन्।
