पवनदीपको सांगितिक प्रस्तुती हेर्न ९३ वर्षिय वृद्धले समेत टिकट खरिद गरेका छन् । ३६५ इभेन्टस् एण्ड मिडियाका प्रमुख कार्यकारी अधिकृत नारायण आचार्य (ह्यापी) का अनुसार पवनदीपको सांगितिक प्रस्तुती हेर्न ९३ वर्षिय वृद्ध बाले घरमै बोलाई टिकट खरिद गरेको जनाएका छन् ।
रोटरी क्लबअफ पाटन वेस्टले आयोजना गरेको र ३६५ इभेन्टस् एण्ड मिडियाले व्यवस्थापन गरेको पवनदीप राजनको सांस्कृतिक कार्यक्रममा दुई थरीका टिकट राखिएको छ ।
आयोजकका अनुसार २५ सय र ३ हजार दरको टिकट राखिएको र उक्त टिकटबाट उठेको रकम रोटरी क्लबले सामाजिक कार्यका लागि सहयोग गर्नेछ । टिकट विभिन्न माध्यमबाट उपलब्धहुने समेत जानकारी आयोजकले दिएककाे छ । अनलाइन टिकटका लागि भुक्तानी प्रदायक आइएमई पे वालेट मार्फत अग्रिम टिकट खरिद गर्न सकिने आयोजकले जनाएको छ ।
पवनदीप राजन इन्डियन आइडल सन् २०२१ सिजन १२ का विजेता हुन् । उक्त सांगितिक कार्यक्रमलाई विभिन्न राष्ट्रिय अन्तर्राष्ट्रिय ब्राण्ड÷कम्पनीले प्रायोजन गरेका छन् । कोरोनाको कारणले स्थगित पवनदीपको सांगितिक कार्यक्रम यसपटक भने भव्य रुपमा सफल हुने विश्वास गरिएको छ । चर्चित गायक पवनदीपले विभिन्न धार्मिक स्थलहरुकोसमेत अवलोकन गर्ने आयोजकले जनाएको छ ।