सिक्किमका बौद्ध धर्मगुरु ओङ्दी पिन्त्सोले गान्तोकमा गरेको पत्रकार सम्मेलनमा फिल्मको रिलिज रोक्न माग गरिएको छ । फुर्पा तामाङमाथि नायिकाले अन्याय गरेको र नेपालमा विवाद नसकिएसम्म सिक्किममा रिलिज गर्न नदिने चेतावनी उनको छ ।
यस्तै, पिन्त्सोले नायक दयाहाङ राइले फिल्ममा भिक्षुको भूमिका निर्वाह गरेको बिषयमा पनि आपत्ती जनाए ।
सिक्किममा फिल्म रिलिज भएको खण्डमा हल तोडफोड समेत हुन सक्ने उनको चेतावनी छ । उनले, राम्रो मुखले आफूहरुले आग्रह गरेको भन्दै सिक्किममा फिल्म रिलिज नगर्न चेतावनी दिए ।उनले, नायिका मिरुना मगरले फुर्पा तामाङसँग र बौद्ध धर्माबलम्बीसँग माफी नमागेसम्म फिल्म रिलिज गर्न नदिने बताए ।