शुक्रवारबाट प्रदर्शनमा आएको फिल्मले बक्स अफिसमा साँढे ३ करोडको व्यापार गरेको छ । नेपाली फिल्म इतिहासमै यो पहिलो फिल्म हो जसले पहिलो दिन नै यतीको व्यापार गरेको हो ।
पहिलो दिन बाट हाउस फुल बनेको फिल्मलाई दर्शकले अत्यधिक रुचाएका छन् । फिल्मलाई बिग मुभिजले १७ र एफक्युबले पनि १७ शो दिएका छन् ।
कीर्तिपुर हलमा ६ वटा शो सबै हाउस फुल छन् । यस अघि बलिउड फिल्म केजिएफले ८० शो पाएको थियो । बलिउडले पाएको शोको रेकर्ड ब्रेक गर्दै फिल्म ’कबड्डी ४’ ले ९० भन्दा बढी शो पाएको छ ।
फिल्ममा दयाह्याङ राई , सौगात मल्ल , बुद्धि तामाङ, विजय बराल, गौमाया यात्री, पुष्कर गुरुङ, कमलमणि नेपाल, कविता आले, जयनन्द लामा, प्रकाश घिमिरे, माओत्से गुरुङ, शारदा अधिकारी लगायतको पनि अभिनय छ । फिल्मलाई निर्देशक गुरुङ र उपेन्द्र सुब्बाले मिलेर लेखेका हुन् ।