काठमाडौँ। बि.स. २०७६ देखि एन टि भि प्लसबाट प्रशारण हुने “कुरा मात्र भो” टेलीसिरिएलमा नेताको पि.ए. को भूमिकाबाट कलाकारीतामा प्रबेश गरेका कपिल देबकोटाले फिर्के नामको हास्य टेलिसिरियल सुरु गरेका छन् । उनले हल्कारमाइलो, तिरीमिरी, यो कस्तो भाग्य, यो कस्तो समाज, बुहारीको पिडा लगाएत बिभिन्न सर्ट मुभी र बिज्ञापनहरुमा अभिनय गरिसकेका छन् ।
आफूले बिभिन्न ठाउँमा अभिनय गरेको अनुभवको आधारमा आफ्नै लेखन, निर्देशनमा फिर्के हास्य सिरियल सुरु गरेको उनको धारणा छ । हाल प्रत्येक शुक्रवार युटुबमा आउने भए पनि व्यवसायिक टेलिभिजनबाट पनि प्रसारणको गृहकार्य भईरहेको उनले बताए । काठमाडौको उत्तरी भेगको भेडीगोठको सेरोफेरोमा फिर्के छायांकन हुने गरेको छ । सिरियलले उपत्यकाको निम्न मध्यम वर्गीय परिवारको बास्तविक स्थितीलाई देखाउन खोजेको छ ।
फिर्केको मुख्य भूमिकामा कपिल देवकोटा आफै छन् भने कलाकारहरुमा डिल्ली निरौला, सुनिल भट्टराइ, बविन्द्र कार्कि , सनिसा मगर, जिया गजमेर, मदन निरौला, अभिराज खाती, प्रविन बराम लगायतका छन् । सिरियलले सामाजिक र हास्य विषयलाई प्राथमिकतासाथ उठाउने निर्देशक देवकोटा बताउँछन् ।
