पल थुनामै रहे पनि उनले अभिनय गरेका म्युजिक भिडियोहरू रिलिज भइरहेका छन् । पलले महिनामा २६ ओटासम्म म्युजिक भिडियोमा अभिनय गरेको पलका म्यानेजर कृष्ण जोशीले बताउने गरेका थिए ।
पल थुनामा पुगेपछि म्युजिक भिडियो मेकरको रोजाइमा आकाश श्रेष्ठ र पुष्प खड्का पर्न थालेका छन् ।
पल म्युजिक भिडियोमा व्यस्त रहँदा पनि आकाश र पुष्प पनि बाक्लै रुपमै म्युजिक भिडियोमा काम गरिरहेका थिए । उनीहरू दुबै फिचर फिल्मका अभिनेता पनि हुन् ।
म्युजिक भिडियोका व्यस्त निर्देशक निकेश खड्का भन्छन्, “पललाई आफ्नो गीतको भिडियोमा खेलाउन रुचाउनेहरू अहिले आकाश र पुष्पतिर बाँडिएको देखिन्छ ।”
