अघिल्लो खेलमा इटालीलाई ५–१ अन्तरले पराजित गरेको फ्रान्स लगातार दोस्रो जित निकाल्न सफल भएको हो ।
खेलमा अग्रता फ्रान्सले बनायो । उसका काडिदिआटोउ डिआनीले छैटौं मिनेटमा गोल गरिन । बेल्जियमकि कायमानले ३६औं मिनेटमा गोल गर्दा खेल १–१ को अवस्थामा बढ्यो । तर, पहिलो हाफ सकिन ४ मिनेट अघि एमबोक बाथीले गोल गरेपछी फ्रान्स विजयी भयो ।
समूहमा फ्रान्सको दुई खेलबाट ६ अंक छ । समान दुई खेल खेलेका आइसल्यान्डको दुई अंक तथा बेल्जियम र इटालीको समान एक अंक छ ।
बिहीबार राति भएको खेलमा इटाली र आइसल्यान्डले १–१ अन्तरको बराबरी खेले । आइसल्याण्डकी स्ट्राइकर कोरोलिना लिया बिल्जालमसदोतिरले खेलको तेस्रो मिनेटमै गोल गरी अग्रता लिए पनि दोस्रो हाफको ६२ औं मिनेटमा इटालीकी भ्यालेन्सिया बेर्गामस्चीले गोल गरी खेलालाई बराबरीमा रोकिन् ।
