खेलको तेस्रो मिनेटमा पनि पहिलो गोल उपहार पाएको जर्मनीका लागि एलेक्जाण्ड्रा पपले खेलको ३६ औं मिनेटमा अर्को गोल थपे । अलेक्जान्ड्रा पप घुँडाको चोटबाट १० महिनापछि मार्चमा मात्रै खेलमा फर्किएकी थिइन् ।
पहिलो गोल स्पेनिस गोलकिपर सान्ड्रा पानोसले क्लियरेन्स गरेको बल क्लारा बुहलको पासबाट सिधै स्पेनको पोष्टमा पुगेर जाली चुमेको थियो ।
स्पेनकी लुसिया गार्सियाले बराबरी गर्ने मौका पाए पनि बल पोष्टमा लागेर फर्कियो ।
जर्मनीसँग पराजित स्पेनले शनिबार डेनमार्कसँग खेल्नेछ । आगामी खेल बराबरीमा सकियो भने स्पेन समग्र गोल भिन्नताका आधारमा दोस्रो स्थानमा रहनेछ ।
विजेता जर्मनीले अन्तिम आठमा इंग्ल्याण्डको सामना गर्नेछ । पराजित टिमहरू हेड–टू–हेड नियममा बाहिरिनेछन् ।
पहिलो पटक प्रतियोगिताको उपाधि जित्ने लक्ष्यमा रहेको इंग्ल्याण्डले सोमबार नर्वेलाई ८–० ले हराउँदै प्रतियोगिताको इतिहासकै सबैभन्दा ठूलो जित दर्ता गरेको थियो ।
यस्तै, मंगलबार रातीकै अर्को खेलमा डेनमार्कले फिनल्याण्डलाई १–० ले पराजित गरेको छ । डेनमार्कका लागि दोस्रो हाफको ७२ औं मिनेटमा पेर्निल हार्डरको गोलले युरो २०२२ मा निर्धारित फिनल्याण्डलाई पराजित गर्दै समूह बी बाट अगाडि बढ्ने आफ्नो आशा जीवित छ ।
समूह विजेता जर्मनीले स्पेनलाई २–० ले पराजित गरेपछि फिनल्याण्ड प्रतियोगिताबाट बाहिरिएको छ । अब शनिबार डेनमार्क र स्पेनबीच खेल हुनेछ ।
