काठमाडौँ। यस वर्षको विश्व सुन्दरी प्रतियोगिताको उपाधि पोल्यान्डकी क्यारोलिना बेइलावस्काले जितेकी छिन्। अमेरिकाको पोर्तेओमा सम्पन्न ७० औं संस्करणको विश्व सुन्दरी प्रतियोगितामा ४० जना प्रतिस्पर्धीलाई पछि पार्दै उनले उपाधि जितेकी हुन् ।
यसअघि सन् २०१९ की विश्व सुन्दरी जमैकन टोनीएन सिंहले उनलाई विश्व सुन्दरीको ताज पहिर्याएकी थिइन् । त्यस्तै अमेरिकाकी स्री साइनी र ओलिभिया एस क्रमशः फर्स्ट रनरअप र सेकेन्ड रनरअप घोषित भए । पोल्यान्डबाट विश्व सुन्दरी हुने क्यारोलिना दोस्रो प्रतिस्पर्धी हुन् ।
यसअघि गत डिसेम्बरमै हुने भनिएको फाइनल कोरोना सङ्क्रमणका कारण स्थगित गरिएको थियो। यता नेपालको तर्फबाट सहभागी मिस नेपाल नम्रता श्रेष्ठ भने टप ३० मा मात्र सीमित भइन्।
