आसिफ शेखको अर्धशतकको सहयोगमा नेपालले मलेशियामाथि सहज जित निकालेको हो । त्रिकोणात्मक टी–ट्वान्टी अन्तर्राष्ट्रिय सिरिजमा मलेसियामाथि सहज जित निकालेको छ । बुधबार भएको खेलमा नेपालले मलेसियामाथि ६ विकेटको जित निकालेको हो ।
मलेसियाले दिएको ११५ रनको लक्ष्य नेपालले मात्रै १३ ओभर ४ बलमा ४ विकेटको क्षतिमा नेपालले लक्ष्य पार गर्यो ।
नेपालका लागि आसिफ शेखले अर्धशतकीय पारी खेले । ३८ बल खेलेका उनले ७ चौका र १ छक्काको मद्दतमा ५७ रन जोडे । नेपालका लागि दिलीप नाथले १५ रन बनाउँदा कुशल मल्लले २ रन जोडे ।
यसअघि टस जितेर पहिले ब्याटिङ गरेको मलेसियाले निर्धारित २० ओभरमा ८ विकेट गुमाउँदै ११४ रन बनाएको थियो ।
जितसँगै नेपालले दुई खेलमा ४ अङ्क जोडेको छ । पराजित मलेसियाले २ खेलमा २ अङ्क जोडेको छ । नेपालले पहिलो खेलमा पपुवा न्यूगिनीलाई पराजित गरेको थियो । विहीबार पुनः नेपाल पपुवा न्यू गिनी (पीएनजी)सँग खेल्दैछ ।
