सन् २००० मे २२ मा जन्मिएकी सुहानाले आइतबार आफ्नो जन्मोत्सव मनाएकी हुन् । सुहाना खान २२ औँ वर्षमा प्रवेश गरेकी छिन् ।उनलाई जन्मदिनको अवसरमा करण जौहरदेखि फराह खानसम्म बलिउडका थुप्रै व्यक्तिले शुभकामना दिए । यिनै सुहाना छिटै बलिउडमा डेब्यु गर्दैछिन् । उनी जोया अख्तरको फिल्म ‘द आर्चरी’ मार्फत बलिउडमा पाइला टेक्दैछिन् ।
सन् १९६० को सेटअपमा तयार हुने फिल्म मार्फत जोयाले लोकप्रिय कमिक्स ‘द आर्चिज’ लाई फिल्मको पर्दामा ल्याउन लागेकी हुन् ।
कथाअनुसार नयाँ पुस्ता सुहाउँदो भएकाले सुहाना, अगस्त्य र खुशीलाई कास्ट गरेको बताउने जोयाले यसलाई म्युजिकल ड्रामा भनेकी छिन् ।
फिल्ममा सुहाना बाहेक अन्य दुई स्टार किड्स समेत बलिउड डेब्यु गर्दैछन् । जसमा श्रीदेवी र बोनी कपुरकी छोरी खुशी कपुर र अमिताभ बच्चनका नाति अगस्त्य नन्दा ।
