काठमाडौं । सुदूरपश्चिम रोयल्स नेपाल प्रिमियर लिग (एनपीएल) को दोस्रो संस्करणमा पनि फाइनलमा प्रवेश गरेको छ। मंगलबार भएको पहिलो क्वालिफायरमा विराटनगर किंग्सलाई ७७ रनले हराउँदै सुदूरपश्चिम फाइनलमा पुगेको हो।
सुदूरपश्चिमले दिएको १५६ रनको लक्ष्य पछ्याएको विराटनगर १४.१ ओभरमा मात्र ७८ रनमा समेटियो। विराटनगरका लागि ओपनर ब्याटर फाफ डु प्लेसिसले सर्वाधिक ३६ रन बनाए।
मार्टिन गुप्टिल २, बसिर अहमद १२, लोकेश बम ५, नारायण जोशी १, मार्चन्ट डि लिङ १५, कप्तान सन्दीप लामिछाने ३ र प्रतिश जिसी ३ रनमा आउट भए। साम हिजलेट र नरेन भट्ट सून्य रनमै आउट भए ।
बलिङमा सुदूरपश्चिमका हर्मित सिंह, अभिनास बोहरा र स्कट कुगेइलेन दुईदुई तथा कप्तान दीपेन्द्रसिंह ऐरी र हेमन्त धामीले एक एक विकेट लिए।
यसअघि त्रिवि क्रिकेट मैदानमा विराटनगरविरुद्ध टस हारेर ब्याटिङ गरेको सुदूरपश्चिम रोयल्सले निर्धारित २० ओभरमा ७ विकेट गुमाएर १५५ रन बनाएको थियो। सुदुरपश्चिमले अब उपाधिका लागि शनिबार खेल्नेछ।
पराजित भएको विराटनरले दोस्रो क्वालिफायरमा काठमाण्डु गोर्खाज र लुम्बिनी लायन्सबिचको विजेतासँग खेल्नेछ। काठमाण्डु गोर्खाज र लुम्बिनी लायन्सबीचको खेल बुधबार हुँदैछ ।
