बुधबार रातीको खेलमा युक्रेनका लागि एन्ड्री यार्मोलेन्को, रोमन यारेमचुक र अर्टेम डोभबीकले एक–एक गोल गरेका थिए । खेलको ३३ औं मिनेटमा एन्ड्री यार्मोलेन्कोले, ४९ औं मिनेटमा रोमन यारेम्चुक र इन्जुरी समयमा आर्टिम डोभयकले गोल गरे ।
खेलको ७९ औं मिनेटमा स्कटल्याण्डका कलुम म्याकग्रेगोरले सान्त्वना गोल फर्काएका थिए ।
दुई टोलीबीचको खेल यसअघि नै हुनुपर्ने भए पनि रुस र युक्रेनबीचको युद्धको कारण ढिला गरी खेलाइएको हो । अब युक्रेनले प्ले अफ फाइनलमा वेल्सको सामना गर्नेछ । दुबैबीचको खेल जुन ५ मा हुने छ । विजेताले कतार विश्वकपमा स्थान बनाउने छन् ।
युरोपबाट यसअघि १२ देश जर्मनी, डेनमार्क, फ्रान्स, बेल्जियम, क्रोसिया, स्पेन, सर्बिया, इङल्याण्ड, स्वीट्जरल्याण्ड, नेदरल्यान्ड्स, पोर्चुगल र पोल्याण्ड छनोट भइसकेका छन् ।
