शनिबार राति इटालीको बोलोग्नामा भएको खेलमा घरेलु टोलीका लागि ७० औँ मिनेटमा लोरेन्जो पेलिग्रेनीले गोल गरे । जर्मनीका योसुवा किम्मिखले ७३ औँ मिनेटमा बराबरी गोल फर्काए । बराबरीसँगै दुवै टोलीले एक एक अंक बाँडेका छन् ।
शनिवार रातीकै खेलमा हंगेरीले इंग्ल्याण्डलाई १–० ले पराजित गरेको छ । हंगेरिका स्ट्राइकर डोमिनिक जोबोस्लाईले दास्रो हाफको ६६ औं मिनेटमा पेनाल्टीबाट गोल गरेका हुन् ।
यस समूहमा हंगेरी ३ अंक जोडेर शीर्षस्थानमा छ । इंग्ल्यान्ड पुछारमा छ ।
यस्तै, शनिवार रातीकै खेलमा लम्जम्बर्गले लिथुनियालाई २–० ले पराजित गर्दा मोन्टेनेग्रोले रोमानियालाई २–०ले पराजित गर्यो ।
यस्तै, फिनल्याण्ड र बोस्निया हर्जगोबिनाबीचको खेल भने एक एक गोलको बराबरीमा रोकिएको छ ।
